டயாபடீஸ் டயட் / Diabetes / Diet / Diabetes Tips in Tamil / Tamil health Tips / Health Tips / Sugar Remedies / Sugar Remedies in Tamil

இன்றைக்கு என்ன சாப்பிடலாம்? இட்லி கூட ஒண்ணு சாப்டா சுகர் லெவல் அதிகமாகுமா? தோசை சாப்பிடலாமா ? கேழ்வரகு ? இப்படி பாத்து பாத்து யோசிச்சு சாப்பிடுறது எல்லாம் என்ன வாழ்க்கை ? இனிமேல் பயம் இல்லாம இந்த டயட்-அ மாத்தி பாருங்க ! நிச்சயம் வாழ்க்கை ஆரோக்கியமா மாறும்.

காய்களும் கனிகளும் :-

இனிப்பு காரணமாக நீரிழிவாளர்கள் பழங்கள் சாப்பிடக்கூடாது என்றே பலரும் நினைக்கிறார்கள். ‘கடவுள் பாதி மிருகம் பாதி’ என்பது போல, இதில் பாதி உண்மையும் பாதி தவறும் உண்டு. சில பழங்களைத் தவிர்க்க வேண்டும் என்பதைத் தவிர, பொதுவாக பழங்களும் காய்கறிகளும் நன்மை அளிக்கக் கூடியவையே. வைட்டமின்கள், தாதுக்கள், நார்ச்சத்து, ஆன்டி ஆக்சிெடன்ட் என இவை அள்ளித் தருபவை அனைத்தும் அருமையே.


1. ஒவ்வொரு உணவிலும் உங்கள் தட்டில் பாதி அளவு காய்கறி, பழங்கள் இருக்கட்டும்.

2. சிப்ஸ், சாக்லெட்ஸ், இன்ன பிற இனிப்புகளுக்குப் பதிலாக, வெஜிடபிள் சாலட் அல்லது பழங்களைத் தேர்ந்தெடுங்கள்.

3. பழரசங்கள் மற்றும் பேக்கேஜ்டு பானங்களைத் தவிர்த்து, ஃப்ரெஷ் ஆன முழுமையான பழங்களையே சாப்பிடுங்கள்.

4. கரும்பச்சை, ஆரஞ்சு, மஞ்சள் காய்கறிகளை அதிகம் சேர்க்கலாம்.

5. மா, பலா, வாழை போன்ற அதிக சர்க்கரை நிறைந்த பழங்களைத் தவிர்க்க வேண்டும்.


முழு தானியங்கள் முழுமை தரும் :-

1. பட்டை தீட்டப்பட்ட வெள்ளை அரிசியை விட, பட்டை தீட்டப்படாத பழுப்பு அரிசி அல்லது கைகுத்தல் அரிசி மிக நல்லது.

2. பலவகை முழு தானியங்களையும் தேர்ந்தெடுக்கலாம். கேழ்வரகு, கம்பு, சோளம் ஆகியவற்றைப் பயன்படுத்திச் செய்யும் ரொட்டி, தோசை போன்றவற்றை ருசிக்கப் பழகலாம்.



நல்ல கொழுப்பு நல்ல எண்ணெய் :- 

எண்ணெயைத் தவிர்ப்பது மட்டுமே தீர்வாகாது. எண்ணெயும் ஓரளவு தேவையே.

1. மோனோஅன்சேச்சுரேட்டட் கொழுப்பு கொண்ட எண்ணெய்களை முதல் தேர்வு செய்யலாம். உதாரணமாக... ஆலிவ், கடுகு, கடலை எண்ணெய் வகைகள்.

2. அதற்கு அடுத்து பாலிஅன்சேச்சுரேட்டட் கொழுப்பு கொண்ட வகைகளை ஓரளவு எடுத்துக் கொள்ளலாம். உதாரணமாக... சோளம், எள், சன்ஃப்ளவர் எண்ணெய் வகைகள்.

3. தேங்காய், பனை எண்ணெய் வகைகள், பால் பொருட்கள், அதிக கொழுப்பு கொண்ட இறைச்சி வகைகள், போன்ற சேச்சுரேட்டட் கொழுப்பு அயிட்டங்களை மிகமிகக் குறைவாகவே எடுத்துக்கொள்ளலாம்.

4. ட்ரான்ஸ்ஃபேட் கொழுப்பு உணவுப்பொருட்களை முற்றிலும் தவிர்க்க வேண்டும். உதாரணமாக... பெரும்பாலான பேக்கரி அயிட்டங்களில் பயன்படுத்தப்படும் ஹைட்ரோஜெனரேட்டட் வெஜிடபிள் ஆயில்.


இதயத்துக்கு இதமான புரதம் வேண்டும் :-

உடலுக்குத் தேவையான எல்லா புரதத்தையும் அதிக கொழுப்பு கொண்ட அசைவ உணவுகளிலிருந்து பெறுவதைத் தவிர்க்க வேண்டும்.

1. பீன்ஸ், பட்டாணி, பருப்பு வகைகளில் அதிக அளவு புரதச்சத்து உள்ளது. பீன்ஸில் இருக்கிற நார்ச்சத்து கூடுதல் போனஸ் !

2. மீன் விரும்பிகள் வாரம் 2-3 முறை மீன், நண்டு போன்ற கடல் உணவுகளைச் சாப்பிடலாம்.

3. அசைவ விரும்பிகள் ஓரளவு வெள்ளை மாமிசம் (சிக்கன்) எடுத்துக் கொள்ளலாம்.

4. ஒரு சீட்டுக்கட்டு அளவை விட அதிக மாமிசம் எப்போதும் வேண்டாம்.

5. பாதாம், அக்ரூட் போன்ற கொட்டை வகைகளை ஓரளவு எடுத்துக் கொள்ளலாம். இவையும் புரதம் தரும்.

குறை கொழுப்பு பால் பொருட்கள் :-

கால்சியம், புரதம் மற்றும் வைட்டமின் களைத் தருகிற பால் பொருட்களில் அதிக அளவு கொழுப்பும் கொலஸ்ட்ராலும் உள்ளது.

6. கொழுப்பு மற்றும் கொலஸ்ட்ராலை அதிகப்படுத்தாமல் இருக்கும் வகையில் குறை கொழுப்பு பால் பொருட்களைத் தேர்ந்தெடுக்கலாம்.

7. லோ-ஃபேட், ஸ்கிம்மிட், ஃபேட் ஃப்ரீ மில்க் வகைகள் கிடைக்கின்றன. சோயா பாலும் பயன்படுத்தலாம்.


உப்பும் சர்க்கரையும் உதவாது :-

1. நாள் ஒன்றுக்கு 2 ஆயிரத்து 400 மில்லி கிராம் அளவை உப்பு தாண்டிவிடக்கூடாது.

2. பழங்கள், காய்கறிகள், சூப் போன்றவற்றின் மீது உப்பு தூவ வேண்டாம்.

3. பேக்கேஜ்டு உணவு வகைகள் வேண்டவே வேண்டாம். உதாரணமாக... சூப் மிக்ஸ், சாஸ், ரெடி-டூ-ஈட் அயிட்டங்கள் போன்றவை.

4. மிக முக்கியமான சிறப்பு தினங்கள் தவிர சர்க்கரை சேர்க்கப்பட்ட பானங்கள், உணவுகளைத் தொடவே வேண்டாம். பாட்டில் பானங்களுக்குப் பதிலாக தண்ணீர் அருந்துவதே சாலச் சிறந்தது.

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

சங்கு பூ மருத்துவ பயன்கள் / Butterflypea Flower Tea / Blue Tea / Diabetics / Cancer / Weight Loss / Tamil Health Tips / Health Tips

படம்
 😀ஒவ்வொரு பூவுக்கும் குறிப்பிட்ட மருத்துவக் குணம் இருக்கிறது. அதன் அடிப்படையில், பல்வேறு மருத்துவ குணங்களை கொண்ட நீல நிற சங்குப் பூ (Sangu Poo) கொண்டு தயாரிக்கப் படும் 'புளூ டீ' உடல் நலனுக்கு ஏற்றதாக சொல்லப்படுகிறது. அதில் 'ஆன்டி கிளைகோஜன்' இருப்பதால் வயது முதிர்வை தடுத்து, இளமையைப் பாதுகாத்துக் கொள்ளலாம் என்ற கருத்தும் நிலவுகிறது.  😀தலையின் மேற்பாகத்தில் அமைந்துள்ள நுண் துளைகளில் ரத்த ஓட்டத்தை சீராக்கி முடி வளர்ச்சியை தூண்டக் கூடியது Blue Pea Flower.  😀உடலில் சேர்ந்துள்ள நச்சுக்களை நீக்கி கல்லீரலை பாதுகாக்கிறது. நீரிழிவு நோயாளிகளின் உடலில் சர்க்கரை அளவை சீராகப் பராமரிக்க உதவுவதாகவும் ஆராய்ச்சிகளில் தெரிவிக்கப்பட்டுள்ளது.  😀'புளூ டீயில்'  (Blue Tea) இருக்கும் 'ஃப்ளேவனாய்ட்ஸ்' என்ற ரசாயனம் புற்று நோயை உருவாக்கக்கூடிய செல்களை அழிக்கிறதாம். அத்துடன், உடலில் நோய் எதிர்ப்பு சக்தியை அதிகரித்து, தொற்றுக்களிலிருந்தும் பாதுகாப்பதாக சொல்லப்பட்டுள்ளது.  😀கொழுப்பு நிறைந்த உணவு வகைகளைச் சாப்பிடும் பழக்கம் காரணமாக எடை அதிகமாக உள்ள வர்களுக்கு 'புரூ டீ ' ...
மேலும் படிக்கவும்

ஆளி விதைகள் பயன்கள் / Flax Seeds Benefits / Tamil Health Tips / Lifestyle tips / Health Remedies in Tamil / Aali Vithaigal / Tamil Health Remedies

படம்
 ஆளி விதைகள் என்றழைக்கப்படும் Flaxseeds , நம்முடைய உடலுக்குத் தேவையான பல சத்துகளை உள்ளடக்கிய பெரும் மருந்தாகவும், எடை குறைப்பு மற்றும் கேச வளர்ச்சிக்கு உதவக்கூடிய அருமருந்தாகவும் பலராலும் தற்போது பயன்படுத்தப்பட்டு வருகிறது. பல உணவு நிபுணர்களும் உடலின் பல பிரச்னைகளுக்கும், தேவையான ஊட்டச்சத்திற்கும் பரிந்துரைக்கக்கூடிய உணவுப் பொருளில் ஆளி விதைகளுக்கும் இடம் உண்டு. இப்படி பல பயன்களை உடலுக்குக் கொடுக்கக்கூடிய ஆளி விதைகள் பற்றி அறிந்தவர்கள், தங்கள் உணவில் அதையும் தவறாது சேர்த்துக்கொள்கின்றனர். ஆளி விதைகள் என்றால் என்ன?   * ஆளி விதைகள் பழுப்பு நிறத்தில் சூரியகாந்தி விதை போன்று இருக்கக் கூடிய விதைகள். மிகவும் கடினமாகவும், மேற்பகுதி மொறுமொறுவெனவும் இருக்கும். இந்த விதைகளை நன்றாக மென்று சாப்பிட வேண்டும், இல்லையென்றால் அதன் பலன் முழுமையாக உடலுக்குக் கிடைக்காமல் போய்விடும். எனவே, பெரும்பாலும் ஊறவைத்தோ, அல்லது அரைத்துப் பொடியாகவோ உண்ணப்படுகிறது. * ஆளி விதைகளை மருத்துவர்கள் அல்லது ஊட்டச்சத்து நிபுணர்களின் பரிந்துரையின் கீழே எடுத்துக் கொள்ள வேண்டும். பெரும்பாலும் ஆளிவிதை பொடியை உட்கொள...
மேலும் படிக்கவும்

அடர்த்தியா முடி வளர வீட்லயே தயாரிக்கலாம் பிருங்கராஜ் எண்ணெய்! / Bhringraj Oil for Hair Growth / Hair Growth / Hair Oil / Homemade Hair Oil

படம்
  தேவையான பொருட்கள் : தேங்காயெண்ணை  - 500 மி. லி மாட்டுப்பால் - 250 மி. லி(காய்ச்சின பாலை எடுத்துக் கொள்ளுங்கள்) தேங்காய் துருவல் - 200 கிராம் நெல்லிக்காய் பவுடர் - 50 கிராம் கரிசலாங்கண்ணிப் பொடி - 50 கிராம் அதிமதுரம் பவுடர் - 50 கிராம் திரிபலா பவுடர் - 50 கிராம் கற்றாழை ஜெல் - 25 - 50 கிராம் செம்பருத்தி பூ பேஸ்ட் - 25-50 கிராம் ​ பிருங்கராஜ் எண்ணெய் தயாரிக்கும் முறை நெல்லிக்காய், பிருங்கராஜ் , அதிமதுரம், திரிபலா, கற்றாழை ஜெல் போன்ற மூலிகைகளின் பொடிகளை ஒரு அகன்ற பாத்திரத்தில் எடுத்துக் கொள்ளுங்கள். ஒவ்வொரு மூலிகைகளிலும் 10 கிராம் அளவை தனியாக எடுத்து விட்டு மீதமுள்ள மூலிகைகளை மட்டும் அதில் சேருங்கள். இதனுடன் ஒரு லிட்டர் தண்ணீர் சேர்த்து கலந்து கொதிக்க விடுங்கள். இப்பொழுது தண்ணீரை நன்றாக கொதிக்க வைத்து 500 மி. லி வரும் வரை வற்ற வைக்க வேண்டும். மிதமான தீயில் வைத்து கொதிக்கும் வரை நன்றாக கிளற வேண்டும். 500 மில்லி லிட்டராக தண்ணீர் குறைந்த உடன் கஷாயத்தை வடிகட்டி தனியாக வைத்து கொள்ளுங்கள். ஒரு அகன்ற பாத்திரத்தில் 500 மி. லி தேங்காய் எண்ணெயை எடுத்துக் கொள் ளுங்கள். அதில் வடிகட்டி வைத்...
மேலும் படிக்கவும்